Witajće na web-stronu Serbskeho šulskeho towarstwa z.t.
Zhromadnje serbsce wuknyć je dyrdomdej!
Tutón online-projekt je wažny krok za dalše efektiwizowanje přiswojenja serbšćiny na zakładźe našeho Modeloweho projekta Witaj®. Was přewodźuja figury Majka, Leńka, Korla a mały Flori.
Witaj®
W lěće 1998 smy w Delnjej Łužicy z modelowym projektom Witaj® zahajili proces rewitalizacije delnjoserbšćiny a stworichmy zakład za cyłotny koncept přiswojenja serbšćiny wot žłobika hač k maturje, a to w Braniborskej a Sakskej. Jako swójske mjeno prawnisce škitane je so Witaj® stało z kwalitnym pječatom Serbskeho šulskeho towarstwa z.t.
Po 20 lětach naby modelowy projekt Witaj® regionalneje, krajneje a europskeje dimensije. Zajim za zažnu dwu- a wjacerěčnosć njepřiběra jenož mjez němskimi a serbskimi staršimi, ale tež mjez wědomostnikami.
Proces přiswojenja serbšćiny wjedźe so na šulach w Braniborskej na zakładźe bilingualneje wučby we Witaj®-rjadownjach abo -skupinach na rozdźělne wašnje dale. W Sakskej přiswoja abo rozšěrja sej šulerjo rěčne kmanosće na zakładźe koncepcije 2plus abo z pomocu serbšćiny jako cuzeje rěče. Tajki cyłotny a dalewjeducy koncept přiswojenja serbšćiny lubi pak jeno wuspěch, hdyž so w dowěrliwym zhromadnym dźěle wšěch wobdźělenych zeskutkowni. Dalše informacije pod: www.sorbischer-schulverein.de
Ludmila Budarjowa, předsydka Serbskeho šulskeho towarstwa z.t.
Willkommen auf der Web-Seite des Sorbischen Schulvereins e.V.
Gemeinsam Sorbisch lernen ist wie ein Abenteuer – dyrdomdej!
Diese Web-Seite ist ein wichtiger Beitrag zur immersiven Sprachförderung durch unser Modellprojekt Witaj®. Sie begleiten die Figuren Majka, Leńka, Korla und der kleine Flori.
Im Jahre 1998 starteten wir mit dem Modellprojekt Witaj® in Cottbus den Revitalisierungsprozess der niedersorbischen Sprache und legten damit den Grundstein für ein ganzheitliches Spracherwerbsprogramm für die sorbische und wendische Sprache von der Krippe bis zum Abitur in Brandenburg und in Sachsen. Witaj® ist als Eigenname rechtlich geschützt und wurde zum Qualitätssiegel des Sorbischen Schulvereins e.V.
Nach 20 Jahren hat das Modellprojekt Witaj® eine regionale, landesweite und europäische Dimension erlangt. Das Interesse für Zwei- und Mehrsprachigkeit nimmt nicht nur unter den deutschen und sorbischen Eltern zu, sondern auch bei Wissenschaftlern.
Der Spracherwerbsprozess der sorbisch/wendischen Sprache wird in unterschiedlicher Qualität in den Brandenburger Schulen auf der Grundlage des bilingualen Unterrichts in Witaj-Klassen oder -gruppen weitergeführt. In den sächsischen Schulen erlernen oder erweitern die Kinder ihre Sorbischkenntnisse nach der Konzeption 2plus oder im Fremdsprachenunterricht. Dieses ganzheitlich weiterführende Spracherwerbskonzept kann nur gelingen, wenn es in vertraulicher und effektiver Zusammenarbeit aller Beteiligten umgesetzt wird. Weitere Informationen: www.sorbischer-schulverein.de
Ludmila Budar, Vorsitzende des Sorbischen Schulvereins e.V.
Komu słuži web-strona?
Institucionalne spěchowanje rěče je jedyn z najwažnišich nadawkow pěstowarnje a předšulskeho kubłanja. Tu kładu so zakłady za dalše wuwiće dźěsća. Jara dobre serbske rěčne kmanosće su tež trěbne za start do šule a wuspěch w šuli. To njepřitrjechi jenož za maćernorěčne dźěći ale tež za dźěći ze serbšćinu jako druha abo cuza rěč.
Myslimy tu tež na staršich, kotřiž bydla we Łužicy abo tež zwonka njeje a chcedźa swojim dźěćom serbsku rěč ertnje a pisomnje z pomocu tutoho online-projekta posrědkować abo skrućić. Tohodla su trěbne rěčspěchowace materialije kaž wobrazy, rymy, spěwy a hry, z kotrymiž móža kubłarki/kubłarjo a starši cyłotnje a ze wšěmi zmysłami dźěći w swojich rěčnych kmanosćach spěchować. To wotpowěduje zakładnemu principej pedagogiskeho dźěła w dźěćacych dnjowych přebywanišćach.
Nimo toho móža sej tež starši na tute wašnje hromadźe ze swojimi dźěćimi serbšćinu přiswojić.
Tohodla je Serbske šulske towarstwo wuwiło serbskorěčne materialije a ideje za praksu na wosebitej web-stronje.
Što was wočakuje?
Chcemy kubłarki a kubłarjow wolóžić a jim dać tajki dźěłowy grat do rukow, zo móža z pomocu našeho materiala dźěći efektiwnišo rěčnje spěchować a projekty přewjesć, kotrež złožuja so na temy z wobswěta dźěći. Móžeće sej tež ke kóždej zaběrje wućišćeć bohaće ilustrowane dźěłowe łopjena, wutřihać a z dźěćimi spaslić hry abo z pomocu předłohow ličić započeć.
Tutón online-projekt chcemy dołhodobnje z wobsahami pjelnić. Nazhonite kubłarki nas podpěraja. Pozdźišo hodźa so tež spěwčki k spěchowanju rěče na tutej stronje k dispoziciji stajić.
Na tutej web-stronje steji interakcija, komunikacija a rozšěrjenje serbskeho słowoskłada dźěći a jich wobswěta w srjedźišću. Jednotliwe kubłanske wobłuki maja didaktisku funkciju.
1. paslenje a tworjenje
2. pohibowanje
3. eksperiment
4. hruba motorika
5. drobna motorika
6. koncentracija
7. matematiske předchadne kmanosće
8. zaznawanje
9. rěč
10. recept
11. powědančko
12. fonologiska wuwědomjenosć
13. rym
Koncentrujemy so spočatnje na sad a wšo, štož je z tutej temu zwjazane.
Wjele wjesela při prěnjej wirtuelnej zabawje w serbskej rěči za předšulske dźěći.
