Materialije

citrona, apelsina, kiwi, mandarina, krušwa, jabłuko

porstowa barba

hubica (Schwamm)

sylna papjera

papjercowy taler

nóž

kuchinska papjera

nowinska papjera

Přihot

Rozdźělće porstowu barbu na wšelake talerje. Pokładźće blido z nowinskej papjeru, zo njeby so přejara womazało. Połožće sad na blido.

Přewjedźenje

Sydńće so z dźěćimi za blido. Prašejće so dźěći najprjedy, kak sad rěka a kajku barbu ma. Rozkrajće potom sad na połojcy a rozłožće dźěćom při tym, što runje činiće: Rozkraju kiwi a mam nětko dwě połojcy. Hdyž rozkraju citronu, što mam potom? Potom wotstrońće pola jabłuka a krušwy jadrownik (Kerngehäuse) a dźěći wšě sadowe połojčki z kuchinskej papjeru zlochka wótrěja, zo by wotćišć (Abdruck) čisćiši był. Kóžde dźěćo wupyta sej jednu barbu, tunknje do njeje hubicu a zjědźe z hubicu lochce po jednej sadowej połojcy. Z tutym kołkom wone nětko rjane mustry na papjeru ćišći.