Serbske šulske towarstwo z.t.
Sorbischer Schulverein e.V.
Barbojte nawoči

download na kóncu teksta


Materialije

kopěrowanska předłoha

barbojta transparentna papjera abo jasnowidne wobalki (Klarsichthüllen)

barbjenčki

štryčk

lěpk

nožicy

wukałanska jehła (Prickelnadel)

podłoha (Unterlage) za wukałanje


Přihot

Předłohu na sylnišu papjeru wućišćeć. Wutřihajće kruh z kartona (wobrys za nawočowu škleńcu) we wulkosći wonkowneje linije nawočow.


Přispomnjenje

Z tajkej wosebitej wukałanskej jehłu (Prickelnadel) je za někotre dźěći lóšo, dźěrku w jednej formje wukałnyć, hač ju z nožicami wutřihać. Nimo toho so kóžda barbojta transparentna papjera za nawočowe škleńcy njehodźi, dokelž njeje wjele widźeć. Tohodla je lěpje swětłu transparentnu papjeru wužiwać abo nawočowe škleńcy z pisanych jasnowidnych wobalkow wutřihać.


Přewjedźenje

Kóžde dźěćo wutřiha wobě nawočowej formje. Nawočowe škleńcy wukałaja dźěći z wotpowědnej jehłu podłu dypkateje linije. Potom wumoluja jednu formu abo wuhotuja ju z mustrami. Tamna forma wostanje běła. Nětko rysuja dźěći dwójce na barbojtu transparentnu papjeru wobrys koła (přihotowana šablona) a wobě kole za nawočowe škleńcy wutřihaja. Škleńcy zlěpja najprjedy na běłe nawoči. Potom połoža dźěći wobaj dźělej nawočow na so a zlěpja jej hromadźe. Na kóncu přičini so na kromomaj štryčk a dźěći sadźa sej barbojte nawoči na nós.

Při paslenju barbojtych nawočow spěchujeće drobnu motoriku dźěći, dokelž zwučuja wone z nožicami a wukałanskej jehłu wobchadźeć. Nimo toho čini wjeselo, swět w hinašich barbach widźeć.


paslenje a tworjenje
Barbojte nawoči

download na kóncu teksta


Materialije

kopěrowanska předłoha

barbojta transparentna papjera abo jasnowidne wobalki (Klarsichthüllen)

barbjenčki

štryčk

lěpk

nožicy

wukałanska jehła (Prickelnadel)

podłoha (Unterlage) za wukałanje


Přihot

Předłohu na sylnišu papjeru wućišćeć. Wutřihajće kruh z kartona (wobrys za nawočowu škleńcu) we wulkosći wonkowneje linije nawočow.


Přispomnjenje

Z tajkej wosebitej wukałanskej jehłu (Prickelnadel) je za někotre dźěći lóšo, dźěrku w jednej formje wukałnyć, hač ju z nožicami wutřihać. Nimo toho so kóžda barbojta transparentna papjera za nawočowe škleńcy njehodźi, dokelž njeje wjele widźeć. Tohodla je lěpje swětłu transparentnu papjeru wužiwać abo nawočowe škleńcy z pisanych jasnowidnych wobalkow wutřihać.


Přewjedźenje

Kóžde dźěćo wutřiha wobě nawočowej formje. Nawočowe škleńcy wukałaja dźěći z wotpowědnej jehłu podłu dypkateje linije. Potom wumoluja jednu formu abo wuhotuja ju z mustrami. Tamna forma wostanje běła. Nětko rysuja dźěći dwójce na barbojtu transparentnu papjeru wobrys koła (přihotowana šablona) a wobě kole za nawočowe škleńcy wutřihaja. Škleńcy zlěpja najprjedy na běłe nawoči. Potom połoža dźěći wobaj dźělej nawočow na so a zlěpja jej hromadźe. Na kóncu přičini so na kromomaj štryčk a dźěći sadźa sej barbojte nawoči na nós.

Při paslenju barbojtych nawočow spěchujeće drobnu motoriku dźěći, dokelž zwučuja wone z nožicami a wukałanskej jehłu wobchadźeć. Nimo toho čini wjeselo, swět w hinašich barbach widźeć.


paslenje a tworjenje